Ploos te 12 noofëmper representeyert net ti kans kexicht fom khamf,
ti kans xeenheet un ti kans hiin kepung woo Tirektoor sin is.
Yeete taach is ayre taach un yeete taach is kuut fer too traan tënke.
An tëm taach fayert mer te profisionaal woo foer xteet fer
fiire un atministreere ti tesisioone in te xuule,
am helfe uf paue en kuut plats fer ti leerer,
ti xtutënte un mitaarwater fon te xuule.
“Meyer wole tas teyer se wise kriist tas ayre hilef krose weyert hot”.
An tëm xpetsiaale taach hon meyer ti keleechenheet fer unsere liipe Tirektoore, mit tsaatlichkheet un rexpekt, petanke weche ales kuutes woo se mache fer unsere xuule. Kratuliirung un hërtsliche klik wunx!
Klikliche Tirektoor Taach, yeete taach.
Wayl in eene eensichste taach pase net ale loope rin
un in een roos past net ale tsaatlichkheet traan.
Meyer erkhëne ti aarwat, ti soriche woo en xuul uf pase is. Tesweche, mache mer tii homenaaj fer soo super flaysiche persoone.
Meyer winxe aych fiil susës!!!
Tas ti kliklichkheet fon tëm taach sich ferlëngert fer ayer kanses leewe.
Tas soo xpetisaale mënxe, wii teyer, woo imer fërtich sin fer tas lërne un kultur se xtërke, iwer ti propleeme khome khëne un noye erleepnise fertiine.
Xeene kruus aus Thee Walt
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com