Tan tënkt mer an te Welts Waser Taach, woo am 22 Mërts kefayert kept, woo ti UNESCO xon 25 yoer tsurik aan kesaat hot tas ti mënxheet sich khimere sol mit em waser fer ti neekste xeneratsioone.
Tswaay tritel fon unser Planet is waser, awer ploos 1% fon tëm is waser fer se trinke. Fiiles fon tëm rayche artikel is xon kontamineyert, un wën meyer tas soo wayter pehantle, wëre unser ënkels khiner kans sicher propleeme hon mit waser.
Te Welt Waser Fórum is ti kreest trefung fon te welt fer te Theema Waser un kept fom Welts Konseel fom Waser orkaniseyert, en internatsionaal orkanisatsioon mit sits in Marseille-FR, kekrint in 1996 un fersamelt umkefeyer 400 rechiirungs un sosial inrichtunge aus 70 ferxiitne natsioone. Hot als misioon “khëntnise iwer es waser fortere, politixe ferflichtunge uf paue un aktsioone aan richte fer tas waser konserweere, xitse, plaanung un efisiënt nutsung , mit basis an te ekolookixe erhalung fer aler leewe uf te Eyert.”
Te Welts Konseel fom Waser orkaniseyert ale tray yoer tee Fórum un tas yoer tuut Brasil te 8ª Welts Fórum fom Waser aan richte, un paseyert in Brasilia fon 18 pis 23 mërts. Tas is es eyerxte mool woo tas im Siit Hemisfëër paseyert.
Waser is net en umsonst kexënk fon te natuer; tas hat en ekonoomixe weyert: tas mus pekhant sin tas es waser manichmool raar un tayer is un tas es in yeete rechioon fon te Welt ans feele khome khan.
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com