Radiosendung AHAI 992 – Kommentar im Dialekt HUNSRÜCKISCH/HUNSRIK
Haloo, hier is Solange Hamester Johann, fom Proyëkt Hunsrik.
UNSERE PAPA
Sicher muxt ich iwich unsere papa xprëche am taach woo mer tee erinëre
tuun.
Ti woch waar ich in Porto Alegre un hon tswansich ëple khaaf fer $5,00.
Was hot tas se tuun mit em “Fater Taach”? Fer mich, fiiles.
Mayne fater waar en xnayter, un is aler phaar moonate in P.Alegre kefaar
fer xtof in khaafe fer sayn xnayteray.
Un imer hot er en ëpel mit keprung fer se fertayle fer sayn khiner.
Hayt tsu taach hëyert tas sich xpasich aan: en ëpel fertayle, wayl tii soo
pilich sin. Awer, in tëne tsayte waare noch khee ëple too hii rom keplanst
këp un waare importëyert fon Argentina . Tëswëche waare se aarich tayer.
Tan, mit tëm ëple sak in te hënt, im sentrum fon P.Alegre, unich tëm tike
mowimënt fon te Rua Voluntários, hon ich tas ales ketënkt un mit ferlange
an te payo ketënkt.
Un an unsere khiner tsayte, wii mëyer tas ëple xnitsye
soo kewaat hon. Ich sin xteen keplip, mayne ferlange am xpiire un en treen
is mich runer kelaaf. Tan, hon ich ketënkt: ti ëple sin ploos en xlisel fer ti tëyer fom ferlange uf
mache.
Too, hon ich an unsere moynts khafi ketënkt, wii ti mama ti proot xaype ap
kexnit hot fom proot woo se sëlepxt kepakt hat un te payo hot te khees
mëyer tik truf kemach un mit siis xmëyer thupcher triwer kemach, wii en
kleene thorte, fer yeete ëne fon uns, siwe khiner.
Noo em mitach ëse, hon mer uns unich en kroose ranje paam kesëtst Ti
ëlxste kuriye sin truf kekrawëlt, hon ti ranje runer kexmis, ich – ti ëlxt, hon
se kekapst un te payo hot se kexeelt, mit lange ronte xlange xaale. Un te
papa hot sich in kepilt tas ti xaale imer kans keplip sin.
Ore, anere taach, hon mer uns uf es hols plats kesëtst, ti mama hot ti tsukre
kliitcher ap kehakt mit em fakong un te payo hot se kexeelt un ferxnit in
fier xtikcher un noch mool kwëyer torich kexnit tas es klaych acht xtiker
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin bei der Radiosendung AHAI und Kolumnistin bei www.brasilalemanha.com.br. E-Mail: equiphunsrik@gmail.com.