Tas puch umfast 4 ilustrierte piiplixe awentuure fer ti kleene.
Tas is pasëyert iwer ti “Pipliotëk Woch” un mëyer hon neekst 400 xeene
picher ap këp un ti kexichte sin al peaarwat këp in te xuul klase.
2.An te lëtst woch, am 24, is en krupe leerer fon te UFRGS uns pesuuche
khom fer unser Proyëkt khëne lërne. Dra. Svenja Brünger, linkwist fon
Taytxlant, halt xuul in te UFRGS un hot 4 fon sayn xiiler – 2 woo Mayster
Xtuutium am mache sin un 2 Doutorandos mit keprung.
Sin te kanse taach pay uns keplip un sin hunsrik klase pesuuche kang in
unsere xuule, mit em Prëfëkt xprëche kang un en chimarrão mit tëm trinke,
soo lang wii tee fertseelt hot iwich ti 31 yoer woo er xon theaater xtiker
xraywe tuut fer sayn kemaaynte in unser moter xprooch.
Noo mitachs, hon mer en foerxtëlung kemach fom Proyëkt Hunsrik un tëm
noo, sin mer en krupe fraae trëfe kang uf em Bucherberg, unser ëlst
kemaynte,woo uns en kuute mitachs khafi uf ketixt hon, mit thipix hunsrik
kepëks un kexmëks.
3.In te neekste taache wërt en wirtual “Hunsriker Tsaytung” puplitsëyert.
Tii sol, filaycht, yeete 2 woche puplitsëyert këwe, mit artikle/khomentaare/
rësëpte/humor/usw. Tas is en kuut naychkheet.
Mëyer, fom Proyëkt Hunsrik, sin mëchtich froo too temit, wayl unser
aarwat khomt yeete taach pisye wayter un fiil layt sin sayn moter xprooch
am iwernëme, un tuun xon fiil in te internët xprëche un xraywe in te xrift
fon te xprooch woo unser kultural ërepxaft is.
Xeene kruus aus Thee Walt.
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin bei der Radiosendung AHAI und Kolumnistin bei www.brasilalemanha.com.br.
E-Mail: equiphunsrik@gmail.com.