TE GAÚCHO UN TE KHOLONIST
Jayme Caetano Braun.
1.Xon neekst 200 yoer hëyer
Woo in en krëftiche aansats
Khomt fon te wayt Europa
En fikuur fol mit thoon
Aach aan khom fer te aychner sin
fon unser eewich liiplich haymat lant
un te gaúcho xlënkt es peen iwer te kaul
un xtayt ap fer te kholonist ap hoole!!!
2.Tee tsayt aan ferwikelt un fereenicht
in tee selwiche senaarie
Ti tswaay lëjentaare fikuure
fom unsere kontinënt kroose hëm
Singe te sëlwiche hiimno
fon en klënsich foersicht
un hon sich uf te histoorich weech kemach
Te sëlwiche xiksaal am aanlëye.
3.Un iweer ti teritoorium
Woo te Gaucho uf kemach hot
Sin imer ti sitler khom un hon keplanst
Sayn plantaaje, maure un tsaune.
Fom Guasca hot er kopiert ti kewoonheete,
Ti lejënte un ferkniichunge
Un aach ti Tratitsioone,
Fol eifersucht uf kehoop!
4.Un runt um ti kroose portukiiser xtiker lant
Teeler un përiche,
Sin ti wayn plantaaje ufkewakst.
Im kreeste xwung,
Un ti hake, ti xtaal akse
Hon ti melotii mit kesung
Uf te selwich wilt Skala
Wii ti Boleadeira un ti fal xtrik.
5.Es waar te kuut wiliche aansats
Fom tëm pluut fom te aner sayt fom meer
Woo khom is fer ti rase xtërke
woo tan sich am tsiiye waar.
Un kept, fer te wilte temperament
Kraft un kuute kualiteete
Fon tee unhoflich fusioon
Woo unser nookhomenxaft formeyert!
6.Hayliche un seeliche wuner
Moteleyert im tëm khelt fom Minuano Wint,
Soon fom Gaúcho fom Pampa,
Soon fon Itaalya un Taytxlant,
Paysamer un torichnaner in te Kampagne.
Soo Gaucho, eene wii te anere,
Hols xlape ore xtiwle pis an ti kniie,
In en europeyix walser ore in en wilte Bugio.
7.Ich siin eene, mit fayer
Unser kriich krenze am tsaychne ,
Anere ti eyert am tsakre
Im thak fon te pluuche
Un, am ën, in ferpintung,
Te hake xtiil un ti xtech
Ti kraft un te koraaj
Fon unser foerfaare in eere heepe.
8.Was fer is mee Gaúcho?
Was fer is mee Rio Grande?
Wën ti prust fon te tswaay sich ferprayt
Im selwiche hayliche wunx?
Is xon nime tee woo khom is,
Is xon nime tee woo too waar,
Rio Grande, hayt, is ti sintonii
Fon te plantaaj un fom Rodeio.
9.Wayl, wën te Gaúcho ewoluiert is
Pis an te aktuaal ,
Ti alt unxtërwlich wortsel
Torich ti ëpoke wayter keet.
Un te Rio Grande ferweept
Tii tswaay fertreete layne
Woo, noo te feraynichung,
Tas peste fon unser rase formeyert hon.
10.Ich petanke tich kholonist
primitiife pionier,
Net als aan kenomne soon
Fon tëm hayliche un eewiche pootem,
Awer als priiterliche wunx
Fom alte xtarke haymat
Tas in keechehant fer tayne kintliche liibe
Hot er tich sayne faterliche liibe kep!
11.Tesweche, als riograndenser patrisian
Foer alem, liipe pruuter,
Ich pekriise tich
Am poke fon emotsioon,
Xtik fon mayn liip lant
In en kans ëng umarmung,
Wayl tuu pist aach en halter
Fon te Gaucho Tratitsioon.
Xeene kruus aus Thee Walt.