TE OOSTER HAAS: Is eene fon te oosterliche simpoole, penutst weche sayn fruchtpaarkheet. Petayt te kepoer un ti leepens hofnung.
Ti kaniincher sin en simpool fer Oostre im Brasil ploos uf em XVIII Yoerhunert representeyert kep, fon xermaanixe inwanerer keprung kep.
Tëm noo te xermaanix mytologii, waar tas kaniinche eene fon te simpoole fon te kotiin fon te fruchtpaarkheet Ostara.
Aus tëne selwiche mytixe lejënte, is unich te xermaanixe foleke ti tratitsioon khom fer hinkels aayer fer khiner xënke, in ferxiitne farwe keferept.
Tas aay is te perfekte phak fon te natuer. Er hat in te tsayt fon te Kexichte, ti Magie, ti Metitsiin, tas Ese un en kuute aansaan petayt. Tas is en universaale sympool fon ter Ooster Tayer Taache in te kans welt un hat keferept, pemaalt, kexmikt in te fayerung mit sayne xpetsiaale sympoliismus.
Tas Proot un ti Waytse, petayte tas Proot fer te khërwer un fer ti seel;
Te Wayn un Trauwe, petayte Kristus sayn pluut.
Te FIX is te Simpool fon te primitiif khërich un is te wërkliche sinaal fom Kristus.
PX: Tas sin ti tswaay 1º puxtaawe fon Yeesus Kristus sayne Naame, in te kriichich xprooch, un erinert an Yeesus sayn pekraytsung un tsaycht sayn positsioon als Kristus.
Ostre is ti witerkepoer , is pasaaje,
Is ferënerung un transformatsioon,
Is noch mool te selwiche mënx sin
Woo witer aanfangt torich ti aychne pefrayung.
Lost mer tsurik en leewe fon xtaap
Un yets fëngt en frixe kank aan
Fol Lich, fol Xtërkung,,
Mit renoweyerte hofnunge.
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI und Kolumnistin bei www.brasilalemanha.com.br. E-Mail: equipehunsrik@gmail.com