Generalkonsul Schmitt und Hër Kissmann sin fer te futur fon unser xermaanix kultur im siit Brasil mit uns pleen mache khom sin.
Am letste 04 maay hate meyer, fom Proyekt Hunsrik, ti kroos eere fon en pesuuch fom Konsul fon Taytxlant in Porto Alegre, Hër Thomas Schmitt, un Hër Adrian Kissmann, fom Goethe Institut, woo mit uns pleen mache khom sin fer te futur fon unser xermaanix kultur im siit Brasil.
Meyer hon uns fersamelt in Boa Vista do Herval, in en trefung woo tswaay xtun kehal hot, mit fiile importante theemas am tiskutiire, ekstra ti khimerung iwer te futur fon unser xprooch, tratitsioone un kewoonheete fer ti neekste xeneratsioone.
Sicher tas ti xprooch fon unser inwanerer foleke aach te hooch phunkt waar, wayl ti xprooch is imer was en kultur leewent halt. Mit te xprooch xprecht ti mama mit sayn khint, lërnt mer leese un xraywe, xraypt mer ti resepte fon te kastronomii, ti kepeete un kesetse fon te relichioon un fom klaawe, tas xeene fom kesang, musik un tanse, ti poesii un ti picher, woo ti kultur noch mool wayter liwre fer ti khiner. Was mer frooe tuut is: wii un was mus mer xafe fer tas ales leewent hale in en echt kultur in te familye un in te taytxe kemaynte?
Tëm noo sin mer mitach ese kang, woo ti kuute kartofle kichelcher –fon unser thipix khich, net feele khonte.
Klaych tëm noo, sin mer phaar turistik phunke pesuuche kang, wii unser Inwanerer Monumënt, woo ferpintung macht mit te xtat woo unser eyerxte pewooner khom sin in te yoore 1846, ti “Puuker Hool” mit sayn xeen waser fal – te lokal woo te meyerxt uf kesuucht kept in unser xtat un noch ti khërich, woo aach te weyert is se pesuuche, een fon te xeenste in te rechioon. Te Hër Konsul waar soo ferwunert mit unser xeene plets, tas eyer fiil pilter kemach hot un hot ferxproch teet sayn froynte inlaate fer aach uns pesuuche khome.
Un meyer hon, tan, ferxproch uns iwerleye iwer was mer mache khëne fer unser tayl wayter mache fer ti erhalung fon unser xermaanix kultur unich unser folek im siit Brasil.
Xeene kruus aus Thee Walt.
Am letste 04 maay hate meyer, fom Proyekt Hunsrik, ti kroos eere fon en pesuuch fom Konsul fon Taytxlant in Porto Alegre, Hër Thomas Schmitt, un Hër Adrian Kissmann, fom Goethe Institut, woo mit uns pleen mache khom sin fer te futur fon unser xermaanix kultur im siit Brasil.
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com
Audio dieses Kommentars –AHAI bl 04