Soo, sin mer kans xtolsëyert, wayl tas puch kans pay uns protutsëyert këp is.
2.Yëts, in Feepruar, sol en SEMINAAR FER LEERER paseere in Estância Velha/RS, fer ti leerer prepareere fer Hunsrik unterichte in 25 xuule fon tëm munisip, im Keeche Xicht ore Turno Contrário.
3. Tas sëlwiche sol paseere im munisip Presidente Lucena/RS, in 5 xuule.
4.In mërts, sole mëyer noch mool noo Sarreguemines, Lorraine-Frankraych khome, uf te Festiwaal “MIR REDDE PLATT”, wayl tas yoer 2016 sole mëyer te theema fom festiwaal sin: Proyëkt Hunsrik un ti hunsrik/plat taytx xprooch in Siit Amëërika.
5. Mit uns faart en pauers fraa, Lúcia Schmitz Braun, fom Bucherberg/Santa Maria do Herval/RS: tii is inkelaat këp wayl ti kërn in taytx singt. Tii hon se aan kehëyert un saate tas tii kraat is was te Festiwaal aan saat un ferprayte wil: xermaanixe ërepxafte woo ti familye nët ferloer keen kelos hon. Soo, sole mëyer hëlfe en ausxtëlung prepareere, uns in fier xtët presenteere = – in Mëtz, haupst xtat fon Lorraine; – in Strassburg, haupst xtat fon Alsácia, – in Sarreguemines, woo te Festiwaal inrichte tuut, tas ales in Frankraych; – un in Saarbrücken, important xtat fom xtaat Saarland, in Taytxland, woo ach mit hale tuut uf tëm festiwaal, woo en kanse moonat aan hale tuut un in fiile plëts pasëyert in te sëlwich tsayt, ales fer unser xeen Hunsrik/Plat Taytx xprooch se eere un uf muntere. Un mëyer hale aach mit, unser tayl am mache fer ti xproch hier im Brasil leewent hale.
Xeene Kruus aus Thee Walt (Santa Maria do Herval, RS, Brasilien).
*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI und Kolumnistin bei www.brasilalemanha.com.br. E-Mail: equipehunsrik@gmail.com