Tas Licht xaynt yets iwer uns, wayl uns is en Khint kepoer kep,
en Soon is uns kep waar!
Ti Soweraniteet xteet uf sayn xulre un Er hayst:
Wunerliche Konselyer, Xtarke Kot,
Fater fon te Eewichkheet, PRINS FON TE FRIITE!!!
Lost em KRISTUS SAYNE FRIITE ayer hërts rechiire,
Mit frayt sing te Friite woo fom himel khomt;
tuu tayn xtim heepe in kloor liiter fer Hërkot !!!
Kloor fer Hërkot im himel un Friite uf te eyert fer sayn khiner!
Was is Friite?
Friite is net ploos khee kriich paseere tswixe te natsioone.
Friite is karanteere tas ale mënxe en haus hon,
leepens mitel, klaytung, piltung, kesuntheet, liipe, ferxtëntnis:
kuut leepens kwaliteet;
Friite is soriche fer ti umwelt woo meyer leewe,
soriche fer en kuut kwualiteet fom waser,
ti sauwer luft,
ti kuut penutsung fon te eyert.
Friite is ruu in uns selepxt trin suuche
fer mit frayt ti kuute momënte se leewe,
kraft hon un kuute itee fer ti propleeme foer hoole
un iwich ti xwiirichkheete triwer wech khome.
Iwer ales,
Friite is xafe fer en harmonii kliima un fer sich kuut fiile
in te familye un in te kemaynte,
imer am tënke tas
WOO LIIPE IS, IS FRIITE,
WOO FRIITE IS, IS HËRKOT,
WOO HËRKOT IS, FEELT NIKS!!!